如何殺死抑鬱 ? (1)

Posted by

Sharing is caring!

你知唔知自己為左咩事抑鬱 ?


有好多人每隔一段時間就會好頹好抑鬱 ,   問佢地咩事 ,   連佢地本人都講唔出。

所以好多人都認為  :  抑鬱、唔開心、情緒低落 ,   係每隔一段時間就會出現一次、係好正常不過既情緒問題。( 抑鬱都話正常 ,  WTF )

就好似我個朋友咁 (我的朋友不是我) ,   佢每隔 2 – 3 個月就會出現一次極度抑鬱。期間會極度負面 ,   經常抱怨而家既生活好痛苦、人生冇晒希望、亦都曾經考慮過殺人 (唔係自殺 , 係殺人。我覺得幾有趣的 ,   起碼唔似得其他人咁冇創意淨係識得自殺。但我知佢唔會咁做的 ,   佢只不過想表達出佢既唔開心程度去到邊而已) 。

其實我都會的。雖然我平時好似 “扮” 到好樂觀好正面咁 ,   但每隔一段時間我既心情都會好差、好抑鬱。唯一唔同既係 (好重要) ,   我係好清楚知道係咩事令我唔開心的。

 

點解會出現周期性抑鬱 ?


(我其實唔係咁中意個標題 ,   我成日睇左周期 “性抑鬱”..)

點解好多人每隔一段時間就會出現一次情緒上既低潮 ?

其實好簡單 ,   因為生活上有野令你唔滿足、或者你對現狀唔滿意。其實諗深一層 ,   抑鬱只不過係 “比唔開心更唔開心 100 倍而已” ,   本質上同唔開心係冇咩分別的。

只不過有時你冇時間去諗果 d 野 ,   你就可以暫時休息下  ;  但有時唔小心 pick up 反佢 ,   就會又唔開心反 ,   然後不斷 loop 就變成你既周期性抑鬱。

我想講既係 ,   雖然我地將 e 個狀態叫做抑鬱 ,   但其實 “抑鬱” 同 “一個小朋友打機輸左唔開心” 係一樣的 ,   都唔係病黎 ,   充其量只不過係情緒低落 X 100 times 姐 ,   係可以解決的。第一步就係要先知道你因咩事抑鬱 (因咩事唔開心)。

 

如何殺死抑鬱 ?


其實只要o係你又出現低潮既時候問下自己 :  “ 究竟我而家唔開心緊 d 咩 ? ”  你就會知道你既抑鬱從何而來、同解決方法。因為最重要既係 ,   你要知道自己唔開心緊 d 咩 ,   咁之後你先會知道自己應該走去邊。

但遺憾既係 ,   絕大部分既人都唔知係懶、定係咩原因 ,   佢地只會答一句 “我都唔知自己唔開心緊 d 咩”  就算…

佢地連去諗自己煩緊咩既力氣都唔願意花 ,   佢地覺得 “果樣野” 就好似一套 20+ 既恐怖片一樣 ,   唔想睇、唔想面對 ,   或者覺得 e 樣野太費力太費心思所以懶得做。

 

抑鬱的把戲 ?


面對抑鬱 ,   將你既抑鬱掘出黎 ,   正視佢、分析佢 ,   係殺死抑鬱既第一步。係可能好困難 ,   但只要你而家敢去面對佢、搵出佢既根本係咩 ,   你就有機會擺脫佢。

你而家可能會覺得第一步非常之無聊、亦唔覺得會有咩效果。

我明白的 ,   因為你既抑鬱為左想你繼續抑鬱落下 ,   所以唔俾你去接受任何可以殺死佢既野 ,   佢會誤導你 ,   話你聽我講既野根本冇用 ;   有用既應該係 d 好特別、好 advance 既方法或者治療 ,   例如心理輔導、催眠、藥物等等。

點解 ?   

  • 因為佢唔想你接受真理 ,   佢根本唔想你殺死佢
  • 佢會叫你去尋找 d 看似好有效、好專業既野 ,   例如叫你去睇專科心理治療師 ,   令你覺得擺脫抑鬱係一件好困難既事
  • 因為佢知道如果想殺死佢既話係要靠你自己
  • 但佢會有不同既理由令你覺得抑鬱係一件好可怕既野 ,   亦會令你覺得自己好軟弱、根本冇咁既能力去面對抑鬱
  • 最後 ,   佢會慢慢強大 ;  而你就愈會覺得自己唔會有機會擺脫抑鬱

抑鬱既把戲 ,   你明白嗎 ?   事實就係咁 ,   但有趣既係 ,   有幾多抑鬱既人願意接受 e 個事實 ?

 

Sharing is caring!

Leave a Reply

Your email address will not be published. Required fields are marked *