如何面對情緒低谷 ?

Posted by

Sharing is caring!

任何人都會有心情唔好、情緒低落既時候 ,   我覺得最重要既係去諗下你情緒低落既原因同如何解決  ;  而唔係一味抱怨。

我非常特別討厭一些好負面、成日埋怨生活既人 ,   我明白你有你既情緒問題同困難 ,   但咁又如何 ?   難道我冇 ?   難道其他所有人都冇困難唔會情緒低落 ?

  • 你坐過10年囚未 ?
  • 你係咪天生有殘疾 ?
  • 你有冇試過俾車撞斷過隻腳 ?

(我諗大家都認同以上都算係幾嚴重既問題 ,   對 ?)

如果你係一個智力正常、有四肢、唔需要俾鐵柱圍住的人 ,   你已經有齊所有野去創造一切了。其他你面對緊既任何問題 ,   其實你要理解 ,   都只不過係 ‘小問題’ 而已。做咩要為左 d 小問題而令自己日日生活在痛苦之中 ?

我有一個解釋  –  因為你太弱 ,   連小困難都面對不了 ,   你係小小小癈柴。

我唔係想攻擊你 ,   而係想你思考下 ,   到底係咪真係你既能力有所不足 ?   咁你可唔可以令自己變得更強 ?   其實 99.99% 係可以的 ,   只不過係你而家暫時俾情緒問題支配緊 ,   未可以清晰咁思考罷了。

如果你知道點樣令自己變強 ,   小問題就可以輕易被解決 ,   情緒問題亦會隨之消失。但重點係..  如何變得更強 ?

情緒低落根本不合邏輯


我唔會俾自己長時期處於情緒低落既狀態下 ,   唔係因為我好樂觀好正面  ;  而係我覺得好蝕抵。

如果我唔開心 10 日 ,   個問題會自己消失的話 ,   咁 ok  👌👌👌 我會努力去唔開心 10 日。但頂你條死傻仔 ,   你要我為你日日唔開心、 冇心機做任何野不特止 ,   你仲唔肯消失 ? !   仆你個街 !

  • 而家你明唔明我對煩惱既憤怒 ?
  • 理唔理解我對情勢低落既憎恨 ?

小時候 ,   我諗有大概 10 年時間我仲未明白 e 個道理 ,   所以我日日都會為左唔知咩事而情緒低落 ,   睇過精神科醫生都冇改善。

但有一日 ,   我突然發覺咁真係好〝on 🐶〞 ,   晒 10 年時間既精神落去 d 我討厭既事上面 ,   你話如果有建設性既作用都算 ,   完全冇。如果我用果 10 年去做〝正經野〞 –  識女仔、打機、去浦、去 Hea 的話一定會快活好多。但唔係..  我用左近 10 年去..  去唔開心.. 😶

咁你呢 ?   你覺得如果你用你唔開心既時間去做其他開心既野會唔會更有建設性 ?

我真係覺得將注意力放在〝你討厭、唔開心既野〞上面真係好傻仔。

你會唔會花時間去睇一套你好討厭既電視劇 ?   當然不會 ,   一個清醒既人點會選擇精神上虐待自己 ,   根本唔符合邏輯。

你咁樣聽落好似好 make sense 咁  ;  一個清醒既人係唔會有意識地選擇做唔開心既事的。 

但點解你要選擇去理會一件(或多件)唔開心既事 ?   係你自己選擇做 e 件事的 ,   咁你係清醒定唔清醒 ?   

你試下認真諗諗以上既說話 ,   因為你會發現 ,   原來你一直做緊既野根本完全唔合邏輯的。

 

你本人也是不合邏輯


其實我都同大家一樣 ,   我都會有唔開心既事情出現。但同時間我亦明白 情緒低落 ”唔會” 令我日後既日子變得好過 ,   什至只會愈來愈衰差。

我人生既最終目的係活得快樂 ,    咁我做咩要選擇一樣對我既快樂毫無建設性既事 ? !   點解我要選擇一樣同我目標互相違背既事黎做 ? !   

你覺唔覺得好唔 make sense ?   我意思係..   你會唔會故意做令自己痛苦既事..?

  • 你會唔會故意撕爛啲錢 ?
  • 你會唔會故意考試唔合格 ?
  • 你會唔會故意跌斷自己隻腳 ?
  • 你會唔會故意飲可樂然後吞十粒萬樂珠 ?  (不要試..  小心腸穿肚爛..)

點解唔會 ?    因為根本唔 make sense ,   一個人點會故意令自己痛苦 ? ?   但你確確實實選擇去痛苦 ..    WHAAAA TAAAA FFFFUCCCK

點解有人有同你一樣既困難 ,   但佢地好快振作起來 ,   脫離情緒低谷 ,   但你唔可以 ?   因為你根本不符合邏輯

點解有人有比你更嚴重既問題 ,   但佢地可以克服過來 ,   而且仲有更大既成就 ,   但你就遲遲困在情緒問題入面 ?   因為你根本不符合邏輯。

 

如何解決情緒問題 ?


Easy .  做反個合乎邏輯的人。

曾幾何時 ,   你都係一個合乎邏輯的人。

小時候的你也會出現失敗 ,   但又如何 ,   你會秒速地忘記失敗是何物 ;  小時候的你也會病倒、受傷 ,   但又如何 ,   你仍然憧憬明天的派對。那時候的你是本能地去除所有不開心的事、那時候的你是多麼的完美。

但不幸的是 ,   你慢慢被告知人生是痛苦的  –  你不讀書不會有前途、你不可以做什麼什麼 ,   你一定要做會計師、你一定要辛苦做自己不喜歡的工作才會賺錢、人活著就是痛苦的。

然後你就不再合乎邏輯了。你本能地認為所有事情都是不幸的。

 

如何變回一個符合邏輯的人 ?


想變回一個快樂既人 ,   唔係靠外在的 ,   唔係去食安眠藥、唔係亂搵性伴侶、唔係日日打機、更唔係靠別人黎打x救你。

係靠你本人去明白如何才是合乎邏輯既做法。當你明白後 ,   你會發現做一個唔快樂既人根本係唔明智的、根本係瘋子的行為 ,   然後你會好自然地面對所有野時都可以維持一個正面樂觀既態度。

想知道如何才算符合邏輯 ?   你需要知道什麼是吸引力法則 (The Law of Attraction)。

當你知道咩係吸引力法則後 ,   你會真心明白到 ,   其實所有情緒問題都係無謂的。反正都要活著 ,   如不舒舒服服地活 ?   你而家可能會覺得依個境界好難做到 ,   但其實唔係 d 咩咁高既境界 ,   只不過係搵出正確既邏輯而已。

當你真正明白後 ,   你會發現你根本唔需要再去控制自己既情緒。因為你將會本能地剔除 ‘情緒問題’ e 樣野。

就好似有兩條路  –  A / B ,   如果你知道往 A 走會跌落路軌 ,   咁你本能地就會往 B 走,   完全唔會有任何困難。猶如情緒病一樣 ,   如果你知道往前走會影響你既情緒的話 ,   你就會本能地往另一個方向走。

就係咁簡單。

Problem Solved.

 

Sharing is caring!

Leave a Reply

Your email address will not be published. Required fields are marked *