工作狂不愛工作

Posted by

Sharing is caring!

工作狂其實唔係需要工作 ,   而係想要一點慰藉。


你地有冇遇過些人 ,   可以每日工作十幾小時 ?   除左食同訓 ,   就係工作。

真係痴 Q 線 ,   我真心唔明白 ,   點解佢地可以一直工作 ,   完全唔需要任何休息娛樂 ?

其實我對工作狂係極奇反感的。除左因為我唔抵得佢地咁勤力咁認真外 ;   我仲覺得佢地個人好悶同好奇怪 ,   點解可以完全唔理會其他野的 ?   

而我係絕對唔會想過一個如此苦悶既工作狂人生的 ,   冇遊戲、冇 Youtube、冇電影、冇 Shopping …   相信你都唔會中意。

所以 ,   我一直對工作狂既印象都非常非常之差。

 

工作狂想要的不是工作 


正常而言 ,   我地會覺得工作狂需要既係連綿不斷既工作 ,   因為看似只有工作先俾到佢地滿足感同快感。

但最近我睇左本 Dale Carnegie 既書 ,   佢舉左好多工作狂既事例。發現工作狂之所以瘋狂工作 ,   其實唔係因為需要、或者熱愛工作 ,   而係覺得人生好煩惱同孤獨。

例子中 ,   每個人一開始都有大大小小唔同既煩惱同憂慮。而佢地發現 ,   會成日為生活煩惱既原因係 :  有太多空閒時間

所以佢地都用左個方法叫 “工作療法” ,   每日長時間專心致志地工作 ,   唔俾自己有時間去理會其他野

 

咁同工作狂有咩關係 ?

有時我地會覺得工作狂好癲、或者你既伴侶係工作狂 ,   你覺得好苦惱 ,   因為佢情願工作都唔去關心下你。但其實 ,   可能係佢地有太多你唔知既煩惱 ,   所以要每日填滿自己既 schedule 去麻醉自己。

你埋怨伴侶係工作狂 ,   因為佢令你感到孤獨 ;   但我其實 ,   工作狂本身可能比你更加孤獨同痛苦。

 

成日打機或者煲劇既你 ,   你內心會唔會都感到孤獨 ?

就好似我咁 ,   有時如果家人去旅行 ,   得反我一個在家 ,   我都會覺得好孤獨的 (特別係晚上)。

而我既解決方法  –  就係全日打機同睇劇。我平時都會成日打機的 ,   但而家我明白 ,   其實有時打機 ,   只不過係因為源自於我覺得孤獨、或者有野煩緊我。

所以有時 d 沉迷打機既成年人、或者宅男 ,   其實未必係因為佢地本身奇怪 ,   或者遊手好閑 ,   可能係佢地覺得非常非常之孤單 ,   先會用打機同動漫去麻醉自己。

 

性沉溺 / 嫖妓 ?

又正如單身男子會北上嫖妓或性上癮 ,   其實未必係佢地特別咸濕 ,   可能係佢地比常人感覺到異常既孤單 ,   係心理上既問題。所以先會搵一 d 佢地認為可以減低孤單感既野去做。

其實成篇文章想講既野係 ,   有時 d 人有任何你認為唔好既習慣 ,   可能係沉迷打機、工作、性沉溺、網上交友、什至係吸毒 ,   都可能只不過係佢地感到孤獨、憂慮。所以 ,  與其去怪責、埋怨佢地 ;   倒不如去關心、了解一下佢既內心世界 ?

工作狂需要什麼 ?    他們更需要的是你的關懷。

 

Sharing is caring!

Leave a Reply

Your email address will not be published. Required fields are marked *