愈努力愈難成功?

Posted by

Sharing is caring!

無論係咩目標 ,   係大定小 ,   你都可以輕鬆達到


但有冇人發現 ,   當你去到 1 個狀態 ,   就係極度想達到某個目標、或者極度想得到某樣野時 ,   你內心不自覺就會講 :

  • Diu..   我. 好. 想. 要. 果. 樣. 野. 丫…   我究竟幾時可以得到丫..   or
  • 唉..   雖然我好唔想做..   但仲有咩辨法..   唯有再努力多 d 啦唉..

成件事你會覺得好正常。因為想要咩都好 ,   都係需要某程度既努力的。 

但..  Law Of Attraction 亦有講,

  • 你感受到 d 咩 ,   你就會得到咩。 
  • 而唔係你做左 d 咩 ,   你就會得到咩。

如果有個方法可以令你好輕鬆咁得到所有你想要既野 ,   你會唔會考慮試下 ?

因為絕對有人會覺得 ,   如果唔努力到 1 個好痛苦既程度既話 ,   就唔叫努力 ,   就唔會達到目標 ,   所以佢地係唔會採用 1 條比較輕鬆既路的。我稱果 d 人為  “痴線佬”。

 

容許我講小小題外話 :

有 d 人好中意同我講  (通常都係老 1 輩既人) :   人生係好痛苦嫁喇 ,   唔痛苦叫咩人生。

  • 我地做人就係想尋找快樂 ,   你叫我要活得痛苦先叫人生 ?    傻既就會聽你講..
  • 但我亦都明白佢地可能有比我地 e 輩更加慘痛既經歷 ,   但請唔好再灌輸 :  人生係好痛苦的 e 個 concept..   會累死人的..  (我絕對唔係對佢地唔尊重 ,   我只係覺得個 concept 好有問題。)

仲有 ,   有 d 人又會話 ,   透過努力而得到既野先會有滿足感、先會更加開心。

  • 姐係咁 ,   如果我可以 6 合彩中到 1 千萬既話 ,   我會開心、滿足過好努力咁工作 50 年而賺到既 1 千萬囉..
  • “有努力過先滿足、先開心”  e d 說話係用黎呃 d 小朋友 ,   叫佢地唔好怕辛苦嫁姐..   但既然有輕鬆既 ,   咁我 1 定唔會選擇條辛苦路囉  lol

(我知道有可能又得罪唔少人。照舊 ,   你有唔同意想嗌交既即管下面講 ,   我大不了唔理你嫁姐有咩所謂 🙂 )

 

努力控制感覺 ,   而唔係努力工作


如果  “好努力好努力就 1 定會得到想要既結果”  係獨立地成立的話 ,   點解每個 Personal Growth or Law Of Attraction 既 expert 都會同你講 :

  • 你要努力控制自己既感覺同情緒 ;   而唔係 ,   你要努力控制自己既勤力程度 ?

如果淨係努力就得 ,   佢大可以直接催眠你 by saying  “你係 1 個好勤力既人~  你可以承擔世界一切既痛苦~” ,   咁咪搞掂 ?   仲講咁多開心唔開心感覺做乜 ?

因為  “盲目地努力”  係錯的  (但好可惜有 9 成人都係咁)。好努力唔係 1 定會達到你既目標的 ,   你可能會用畢生既努力 ,   但都仲未得到你追求既野 ,   因為你用錯方法努力。

你有冇見過身邊既人、或者朋友 ,   佢地好似唔駛做好多野、唔駛好努力咁 ,   但佢地既人生 ,   都比你 e 個好努力既人好好多 ?

你開始察覺到小小野了吧 ?

 

吸引力法則既正確運作方法


我o係到有更詳盡既解釋 :  LOA 既正確運作方法

但簡單咁講 ,   LOA 係主要靠你既感覺運作的 :

  1. 你可以內心好鬱悶、好痛苦咁努力做野。你既未來會係 :  更多痛苦既事俾你面對。
  2. 你可以內心好愉快、好憧憬咁輕鬆做野。而你既未來會係 :  更多輕鬆既事俾你面對。

e 個就係點解有 d 人 ,   可以成日遇到好既事 ,   可以好輕鬆咁就達到唔同目標既原因。

而你將 e 一切都歸咎於運氣、好命、社會、家人、朋友、什至街上 1 個陌生人  (個陌生人唔需要做任何野的 ,   只要你睇得唔順眼 ,   你就自然搵到野賴落佢到 🙂 ) ;   但從來 ,   我指  “從來”  都冇絲毫考慮過 ,   究竟係咪自己做錯左 d 野 ?

 

愈努力愈難成功 ?


頭先果 2 句話看似正常 ,   你可能都會成日講 ,   但其實都好錯。

錯在你附帶左o係句野到既感覺。

 

第 1 句 :  Diu.. 我. 好. 想. 要. 果. 樣. 野. 丫…  我究竟幾時可以得到丫..

當你講 e 句野既時候 ,   你留意下 ,   究竟你有冇 1 種好需要佢即時出現既感覺。即係 ,   如果你努力多 1 個星期、什至 1 個月後 ,   佢都未出現既話 ,   你就會覺得好慘 ,   而且仲可能會去到好負面、 好消極、什至好絕望既狀態。

如果有 ,   其實你係對緊個宇宙講 ,   “如果我 e 個月咁努力 ,   你都係唔俾果樣野我既話 ,   咁我下個月只會比而家仲絕望..”

宇宙話 :  “Well ,   your wish is my command。我會令你下個月比而家更絕望 ,   唔駛多謝。”

 

第 2 句 : 唉..   雖然我好唔想做..   但仲有咩辨法..   唯有再努力多 d 啦唉..

當你講  “雖然我好唔想做..   但仲有咩辨法..   唯有再努力多 d 啦唉..”  e 類說話時 ,   你係咪有種好唔情願去努力既感覺 ?   就好似其實你根本就唔想做得咁辛苦 ,   但唔做又唔得。而且 ,   你會唔會俾左 1 個假設自己就係 ,   你需要做好多好唔願意做既野 ,  先會達到個目標 ?  

如果有 ,   你亦都係錯了。

好多人都認為 :  即使有幾唔願意、有幾唔開心都好 ,   只要努力 d 頂硬上 ,   最後就 1 定會開心反。

Nono !!   其實你係問緊 :  “宇宙哥哥 ,   我 1 直都好唔中意 e 份工嫁喇。但我覺得 ,   如果我想要  “果樣野”  既話 ,   我就 1 定要做更多我唔情願做既野先可以得到 ,   而且仲要好努力、好痛苦咁做添 ,   咁你明啦 🙂 “

宇宙哥哥 :   “Well, your wish is my command.   我會俾更多你唔想做、令你好痛苦既事 ,   再折磨你 1 排先會俾果樣野你嫁喇。 唔駛多謝。”

 

Optimized-210HYou see ?   即使你俾更多既努力去做某件事 ,   但如果想法既根本有錯誤既話 ,   你只會覺得做咩都好唔順意 ,   好似 1 直都達唔到你想要既結果咁 ,   而且愈做就愈覺得消極。正常係愈黎愈接近個目標先岩 ,   但你會覺得 ,   好似過左咁耐都冇咩成果咁..

 

愈 Hea 愈易成功 ?


某個角度黎講其實係岩的..   因為 hea 既時候 ,   你唔會有好辛苦既感覺。當你工作既時候 ,   1 路都保持到好輕鬆、好愉快既狀態既話 ,   你未來只會得到更多  –  令你感到輕鬆、愉快既工作。

但當然唔代表 ,   你可以 hea 到咩到唔做就有1 千萬、7 個女朋友 ,   仲要 7 個都唔知你原來咁衰既。唔係。只係代表你可以用最低 or 最小既努力 ,   就能夠獲得最大既成果。

 

我好中意講 e 個例子 :
點解有 d 人溫 2 個中書就可以考到 90 分 ,   而你溫通消都只係岩岩 Pass ? 

Consider This :

  1. 你溫既時候有冇附帶好多負面既情緒 ?   eg ,  唉..  死啦..  聽日考但而家仲有 8 個 Chapters 未溫..   嘩 !  唔好訓丫..   繼續溫..   繼續..溫..  
  2. 你有冇試過當你迫自己去溫書既時候 ,   反而好難入腦 ?   但下次你放鬆俾自己去溫既時候 ,   會比較容易理解同入腦 ?
  3. 你有冇試過明知仲有好多 ,   但已經冇心機溫了 ,   所以你決定由佢 ,   去打機 ,   之後輕輕鬆鬆咁去考 ,   最後發現考得好過努力果時 ?

因為上述既我都試過 ,   次次覺得自己係努力緊 ,   但點解個結果會咁差 ?   點解有時我好 hea  ,   個結果反而出乎意料的好 ?   原來一切都取決於我既想法、感覺 ,   而唔係努力程度。

 

只要有任何 1 個 Point 你係同意的話 ,  就已經有足夠既理由禁 Share 喇 🙂

 

Sharing is caring!

Leave a Reply

Your email address will not be published. Required fields are marked *