擔心黎做乜 Q ?

Posted by

Sharing is caring!

我媽媽係一個極度中意擔心任何野既人黎 ,   從小我就被灌輸 “任何事情都擔心一遍” 既概念。搞到我而家做好多野既時候 ,   都會先擔心好多野。(當然我冇得怪佢 ,   因為佢根本唔知 e 個係一個問題)

你既感覺就好似人生既指標一樣 ,   你每次開心、內心感到平靜既時候 ,   你都會向右行一步。但每次擔心、憂慮任何事既時候 ,   你都會後退一格。

如果你信吸引力法則 ,   咁好簡單。因為憂慮會吸引更多憂慮 ,   咁你既一生都只會反覆地為唔同既事憂慮。

如果你信邏輯 ,   亦好簡單。因為憂慮會令你有好大壓力。長期處於一個心情不佳既情況下 ,   你只會愈黎愈冇動力 ,   仲會因為心情差而做錯好多選擇。錯選擇 ,   咁好明顯你人生中只會有一連串唔同既失敗

  • 解釋到點解你好努力 ,   但生活都好似冇乜改善未 ?
  • 解釋到點解你既人生一直停滯不前未 ?
  • 解釋到點解你成日吸引到唔好既事未 ?

 

憂慮的確好邪惡..


而家既人每日都面對緊唔同既擔憂。但正因為每個人都係咁 ,   你唔會覺得 “擔憂自己既未來” 有咩問題 ,   仲會覺得好正常。

但你唔知既係 ,   憂慮只不過係 “偽裝” 成為正常 ,   一唔覺意 ,   你就會俾佢摧毀你既人生..   有咩賤得過明明係一個賤人 ,   仲要偽裝成好人咁去呃無數個無辜既人 ?   

但事實的確係  :  你每次既憂慮 ,   都會令你後退一步。

你覺得如果你唔會再為以下既野憂慮 ,   所有事會唔會就變得輕鬆好多、你會唔會變得有動力好多 ?

  • 感情
  • 事業
  • 學業
  • 家庭
  • 財政

 

你努力都冇用架喇..


你有時會覺得努力左都得唔到 “想要既結果”、你覺得你既人生進進退退 ,   反反覆覆 ,   其實都係咁既原因。因為 ,   雖然你努力左 ,   但你從來唔知你既憂慮會對你有會影響 ,   唔知憂慮已經令你事倍功半。

如果你係處於一個冇任何憂慮既狀態下 ,   你既成功將會比今日既你大好多。

所以亦係點解有好多成功既人都會講類似既說話  :  “我從來唔會為未來既事而憂慮 ,   我只會做好現在既事”。係因為佢地明白 “每次既憂慮” 都只會令自己後退一格。

所以 ,   你要改變既係 ,   唔好再去擔心你既未來 。並且要對未來、對自己有些少信心 ,   去確信自己好快會變得更好 ,   准許自己向前走 ,   而唔係向後退。

 

你是否對人生也感到迷茫 ?


其實講真 ,   我斷斷續續都仲會感覺到好迷茫的。唔係因為我唔知自己想點 ,   而係因為我成日都唔覺意咁俾自己去擔心唔同既事 (可能係自細訓練而成的) ,   搞到我成日都好冇動力 ,   不斷地 procrastinate。

其實你睇得 E 篇文章 ,   都已經說明左你對未來好迷茫、你好擔憂自己既未來、唔知自己想點。但你而家知道擔憂係冇用之餘 ,   仲會搞到你愈黎愈失敗 ,   咁就唔好煩咁多了 ,   即管去做你認為正確既事就對了 :

  • 想讀反書 ,   但擔心讀完冇用 ?   唔好諗了 ,   即管去讀啦 !
  • 想轉工 ,   但擔心適應唔到 ?   唔好諗了 ,   快 x 啲搵工吧啦 !
  • 想分手 ,   但又驚自己搵唔到個更好的 ?   驚乜 x 丫 ,   快 d 化”行”妝出去識人好過啦 !

你係想得到快樂丫 !!!   唔係想一世o係到驚 E 樣、擔心果樣丫。人生得果小小時間 ,   話咁快你就 88 了 ,   仲晒時間諗咁多、擔心咁多黎做乜 Q 丫 ?! ?! ?!

“運氣” 往往都係俾果 d 勇敢去宗於自己、去採取行動既人。同我一齊努力吧 🙂

(P.S. 想搞 Online Business 既話 ,   Laptop Lifestyle System 係最好既方法 ,   可以試試 🙂 )

 

Sharing is caring!

2 comments

Leave a Reply

Your email address will not be published. Required fields are marked *