悲觀如何害死你 ?

Posted by

Sharing is caring!

悲觀、消極的人慘過死 ?


好多人認為 ,   悲觀除左會令人活得唔開心外 ,   都應該冇咩大問題。

但其實 ,   悲觀、負面思想既傷害比你想像中大好多 ,   甚至會令你失去整個人生。( 我唔係講緊自殺果種 ,   你都決定死了 ,   仲怕咩 ?   我係講緊果種明知活著好痛苦 ,   但又死唔去 ,   又要默默受苦既 “失去人生”。)

其實問下有情緒病、抑鬱症既人就會知 ,   佢地既悲觀 ,   唔係有咩事唔開心 ,   而係佢地根本失去左活著既意義。

要知道 ,   唔開心  ,  對比絕望同冇生存意義係 2 個層次既野黎

我覺得唔開心都算 ;  但絕望、活著冇意義先係真正既地獄..

悲觀就係咁有破壞力 ,   但佢係用一個婉轉既方法去破壞你。

 

悲觀仆街在哪裡 ?


想得到任何野 ,   你都要付出一定程度既努力。好易理解 ,  對 ?   咁點樣先可以 keep 到每日都咁努力 ?   就係你需要有一個非常積極既態度。

而悲觀最大既問題就係會令一個人頹。I mean 每日都好頹好頹。

“頹” 本身係冇咩問題的 ,   如果你亳無欲望的話。

但仆街既係 ,   你條仆街又咁 Q 多渴望 ,   又想要車 (BMW)、又想買樓 (過千尺新樓齡既私樓)、又想有女朋友 (純情美少女)、又想有小三 (Model 身材)、又想有 SP (放蕩淫娃)、又想每年去 3 次旅行 (日本、韓國、歐洲)、又想提早退休 (40 歲前)……

如果你對生活有要求、但你又好悲觀的話 ,   咁你仆硬街了。

  • 因為你有 99%+ 既機會唔會得到你想要既野。
  • 因為你既悲觀會令你人生中有 90%+ 既時間處於頹既狀態。
  • 頹既你係唔會有動力做任何野去爭取你想要既野。咁你未來可以做既就係 :  在家 FF 一輩子 ,   然後諗點解你既人生可以咁可悲。GG 

你要明白 :  唔係因為你咩都冇 ,   所以頹 ;  而係因為你頹 ,   所以咩都冇 ,   所以你更頹

 

有 咩你而家想做 , 但又冇動力去做 ?


我以前都感受過好多次悲觀帶黎既後果。

我以前都好欲求不滿的 (唔係性慾) ,   好多野都渴望擁有。但問題係我好悲觀 ,   變相我根本冇動力去做任何野 ,   淨係識得訓、hea、頹。

你諗下有咩你一直都好想做既 ,   但每次想既時候就會有 d 好 negative 既想法令你成個人都 down 晒 ,   之後就又晒左 1 日了 ?

  • 學樂器 ?
  • 做運動 ?
  • 溫書 ?
  • 搵工 ?
  • 執屋 ?

你覺得如果你可以完全冇任何負面消極既感覺、可以好努力咁做每件事 ,   你人生中既成就可以去到幾高 ?  如果每日都少一個鐘既悲觀、多一個鐘既衝勁去做有意義既野 ,   唔理練琴又好、睇書又好、做運動又好 ,   你覺得 e 個狀態維持一年你會變成點 ?

你要明白悲觀唔係只係令你唔開心咁簡單 ,   佢係逐少逐少咁剝奪緊你活得更好既權利..   

當你發現過去既 10 年做好多野都提唔起勁的話 ,   我可以話俾你聽你已經浪費左好多時間了。如果你而家都係冇咩心機的話 ,   你又浪費埋今日了。你仲想佢浪費你幾多 ?   1 年 ?   1 世 ?

 

點解你會冇動力 ? 


因為你頹 ,   頹到咩都唔想做 ,   仲會搵好多原因合理化佢..   頹真係好仆街..   對吧.. ?

假如你想減肥 ,  咁以下就係悲觀既你會諗既野 :

  • 我都冇男朋友 ;  亦都冇男仔會中意我 ,   減到又點 ?   
  • 想做運動 ,   但冇人陪  (熟嗎 ???)
  • 做完運動又會食反好多野 ,   咁做黎都冇用
  • 人地好辛苦先減到幾磅 ,   咁我一定減唔到啦..

如是者你就會變得更頹、更唔想減。唔係你唔想 ;  而係你變得更加冇動力去行動。

 

如果你係一個樂觀既人 ,  你會變得好有衝勁 :

  • 我瘦左靚左一定有好多人中意我 ,   今日要努力做運動 !
  • 搵唔到人陪就聽住歌自己做 ,   今日要努力做運動 !
  • 如果食太多會肥 ,   咁我就食得少 d 肉 ,   仲可以健康 d 添 !  今日要努力做運動 !
  • 雖然減肥係辛苦 ,   但為左變靚、為左有人愛 ,   今日要努力做運動!

其實只要你變得樂觀既話 ,   好多而家有既問題都唔會係問題。因為有好多問題都係因為你冇動力做、冇 mood 做先會繼續存在。

其實好多人都可以變得好有成就 ,   純粹大部分人都缺乏左一份衝勁同積極。

 

悲觀 、負面、消極 ,  奪走左你幾多 ?


每次你諗緊唔開心野、感受到自己冇動力做任何野既時候 ,   你要記住 ,   你唔係因為咩都冇而冇動力 ;   而係因為你冇動力 ,   所以先得唔到任何野。

今日開始樂觀一點 ,   拎 d 衝勁出黎 ,   去做 d 可以令你未來變得更好既事 ,   先係唯一既解決方法。

悲觀唔會奪走你任何野 ,   因為你本身已經一無所有 

 

Sharing is caring!

Leave a Reply

Your email address will not be published. Required fields are marked *