如何將恐懼 (Fear) 化成力量 ?

Posted by

Sharing is caring!

你而家有咩煩惱 ?

好多人既答案主要都係關於 :  學業、工作、生意、感情。例如 :

  • 唔知讀唔讀到想讀既科
  • 學歷太低
  • 唔知搵唔搵到客
  • 中意左某人但冇勇氣表白等等

但儘管你舉左幾多個煩惱都好 ,   其實都唔係你最根本既煩惱。

 

到底令你最煩惱既係咩 ?

係 “恐懼”。

恐懼 ,   真係非常可怕的..   我由細到大都對好多野好恐懼 ,   例如考 ORAL、音樂表演、舉手答問題、甚至向個 waitress 落單等等我都會驚。

恐懼係天生的 ,   本身係用黎保護我地人類 ,   因為有 d 情況確實需要用到恐懼 ,   例如俾人打劫、交通意外等等 。

但除此之外 !   o係其他方面上 ,   唔理係事業定愛情 ,   恐懼就會由一個保護屏障變成一道障礙。

其實你舉出既煩惱入面 ,   如果你有留意既話 ,   你會發現好多都係  —  “我驚..” 、”我怕..” 。根本你就唔係煩緊件事本身 ,   你係怕自己做唔到果件事。

試諗下如果你對所有野都唔再恐懼 ,   人生會順利幾多 ?   如果你唔再怕任何野 ,   總知有事黎到就盡力做 ,   唔會有驚做唔到既念頭 ,   你覺得咁會輕鬆幾多 ?

即係話 ,   冇人知你會唔會追到個女仔的 ,   但你完全冇恐懼過個結果 ,   想盡辦法去追求佢 ,   追到就追到 ,   追唔到就由佢 ,   完全冇驚過唔成功會點 ,   你覺得咁樣會唔會比你一路淆低、想做又怕 e 樣怕果樣來得輕鬆一點 ?

如果世界上任何野都可以咁輕鬆你會覺得點 ?

 

你其實都明白根本唔需要恐懼


恐懼令我地變得猶豫不決、懷疑自己既能力、愈黎愈驚俾人拒絕、拖延症、即使有個極好既 idea 都唔敢嘗試、令我地冇辦法充分咁運用我地既才能…

同意 ?

 有冇試過o係床上面諗反自己之前做過既蠢事、失敗既事 ?  (我經常係咁)

  • 你會唔會諗 ,   當時如果勇敢 d、有自信 d 既話其實你都可以做得到 ?
  • 會唔會覺得如果可以去反當時 ,  你一定會做得好完美 ?

每個人都會有咁既經驗。就係想你知道 ,   其實好多野打從一開始都唔需要去怕的 ,   就係因為你當時有恐懼 ,   先會做得唔好 ,   先會有而家既遺憾。

但問題係 ,   你每次都係事後先發現原來根本冇需要去驚。但當你發現時 ,   已經錯過左機會了。一路無限 loop..  一路晒機會..   一路遺憾..

你可唔可以醒過來 ?   可唔可以從 e 刻開始決定唔好再恐懼任何野 ?

 

如何對抗恐懼 ?


你要接受既係 ,   諗野負面 (negative thinking) 就係導致恐懼既原因。

你可能成日會同自己講 :

  1. 我未必做到…
  2. 我唔應該去試 d 自己未做過既野..
  3. 係可以..   但如果真係唔得咁點..

你會覺得 e d 說話好普通 ,   但你試下讀一次上面果 3 句野 ,   然後附加一樣你好多去做但唔敢既事 ,   你會發現你個心都會寒一寒 ,   因為 negative thinking 每次都打撃緊你既夢想。

  1. 我未必可以入到大學..   都係讀其他課程算..
  2. 我都未試過做果行..   都係做死一世會計仔算..
  3. 係可以試下創業..   但如果真係搞唔掂咁點..

我明白你會驚 ,   但我頭先講過 ,   而你亦都明白 ,   就係每次你睇反轉頭 ,   所有你之前驚既野其實而家都已經唔驚了 ,   你會好遺憾點解當時唔好似而家咁。

唔係因為時間沖淡一切 ,   而係之前既你會不斷創造一啲唔會出現既恐懼黎嚇自己 ;   而現在既你 ,   只不過係識穿左果啲恐懼 “原來一啲都唔可怕” 而已 ,   然後就會怪責自己點解當時唔勇敢 d ..

 

將恐懼化成能量 


我相信恐懼係源自於我地平日有太多負面諗法 ,   成日幻想好多根本唔存在既恐怖結果出黎嚇自己 ,   所以做任何事都驚會出事 ,   搞到唔能夠全心全意投入 ,   導致最後真係失敗了..

要記住 ,   你會恐懼唔係因為件事本新好恐懼 ;   而係你恐懼自己做唔黎 ,   同件事根本冇關係。

所以要改變的話係要從你既 Negative Thinking 開始。從今日開始 ,   每次驚任何野既時候都係你將恐懼轉化為力量既機會。

  • 當你覺得自己做唔到某件事既時候 ;   同自己講  “失敗既可能性我已經知道了 ,    咁點樣先可以做到呢 ? ”  ,   俾你既腦從 “諗失敗既可能性”  變成  “尋找成功既可能性”。
  • 與其不斷諗失敗左會點點點 ,   去諗失敗左既模樣同心寒既感覺 ;   不如同自己講 :  “做到之後會點點點” ,   然後諗下成功既話會有幾咁高興。

其實每次當你 “倒反轉黎諗” 既時候 ,   你會發現內心會舒服左、對自己有信心左、亦會有動力左好多。

e 個就係當你恐懼時 ,   將佢轉變成力量既方法。唔係 d 咩好進階複雜既理論 ,   只不過係個改變自己諗野既小習慣。

 

Sharing is caring!

Leave a Reply

Your email address will not be published. Required fields are marked *