如何吸引更多時間 (2)

Posted by

Sharing is caring!

如果你有睇 如何吸引更多時間 (1) ,   你會明白 ,   你之所以會覺得時間過得好快 ,   唔係因為時間過得好快、亦唔係因為你做野既速度唔夠快 ;   而係因為你既開心時間唔夠多  (原因係 :  你唔係活於現在)。

如果你學會放慢 ,   俾自己去活於現在 ,   你既時間就會好不自覺地變得愈黎愈多。而且唔止我 1 個有 E 種覺得時間變慢既感覺的。

attract time

 

體驗時間變慢


我想你而家即刻感受下時間變慢既感覺 ,   請你花幾分鐘既時間做下以下既野 :   (Andy Shaw 教的)

  1. 停止諗所有你擔心緊既問題 ,   只係停止幾分鐘 ,   唔會死的 ,   即管停止 1 陣..
  2. 去睇下附近既小動物 ,   睇下佢地點樣無憂無慮咁 4 圍搵野食。你要知道 ,   雖然佢地既生活好普通 ,   但佢地係好投入咁過佢地既現在生活的 ,   唔會諗以前、唔會諗未來。我通常會望出窗外既雀 ,   睇下佢地跳黎跳去食地上面既野既樣 (好可愛的)。如果你有養貓或者狗 ,   可以睇下佢地點樣好輕鬆咁享受緊佢地既生活。

(注意 :   做既時候千萬唔好諗其他野 ,   即管放晒所有集中力落隻動物上。每次當我將所有集中力放落隻動物到 ,   不到 10 秒中 ,   我就好自然會笑出黎 ,   因為佢地既輕鬆、自由自在真係即時感染到我)

e 幾分鐘既時間 ,   其實就係等於活於現在 (being present) ,   因為你完全冇諗任何同現在無關既野 ,   你享受緊 “現在” 小動物帶俾你既快樂、你享受緊完全唔需要擔心任何野既喜悅 ,   你絕對會愛上 e 種感覺的。

不過 ,   有可能出現既係 ,   第 1 次既試驗你仲未覺得時間有變慢 ,   因為我都係試下幾次之後先明顯感覺到的。我建議你俾幾日時間自己 ,   每日試幾次 ,   每次 2 – 3分鐘就可以了。

 

點解 Being Present 可以令時間變慢 ?


我會咁樣去解釋 :   當你活於現在時 ,   你係感受緊你擁有既每 1 分每 1 秒 ,   所以你擁有既時間係 24 小時。但如果你成日諗以前諗未來 ,   你所能夠擁有既 “現在時間” 就會愈黎愈少。

佛教有句說話 :   Do not dwell in the past, do not dream of the future , concentrate the mind on the present moment. 

唔翻譯了 ,   相信你 d 英文仲好過我。

其實生物係唔應該諗以前同未來的。我既意思係 ,   你可以從以前既事學習、可以計劃未來 ,   但除此之外 ,   你就應該要活於現在。因為只有 “現在” 先係你既生命、你所擁有既時間 ;   如果你走出左現在既話 ,   就等於浪費左你既人生同時間。

 

o係我打完體驗時間變慢果 part 後 ,   我自己都有花幾分鐘去體驗下個實驗。

當我停止晒所有要諗既野 ,   去享受現在時 ,   唔單止覺得冇晒煩惱、好輕鬆 ,   仲舒服到不自覺地笑出黎。點解我成日強調笑左出黎 ?   因為咁大個人先感受到咩叫完全冇任何煩惱 ,   如果你既人生完全冇煩惱時 ,   你仲唔輕鬆舒服到笑出黎 ?

而且我感覺到時間只係 1 分鐘 1 分鐘咁過去 ,   而唔係好似以前咁 ,   斬下眼就 1 個鐘了。

你而家應該唔會相信我講既野 ,   因為你既人生根本未試過每日擁有 24 小時。所以我好想你真係試體驗下我頭先講既野 ,   因為當你感受過 1 次時間變慢 ,   咁你日後就會知點樣吸引更多時間。

當然 ,   如果你第 1 次既嘗試仲未可以好感受到時間變慢的話 ,   唔好氣餒 ,   因為咁樣即係代表你仲未完全釋放自己、仲未完全俾自己放低晒所有顧慮、你仲係覺得你應該要擔心未來的。所以再試幾次吧 ,   你 1 定會感受到的。

其實我諗成件事係同人地做 meditation (冥想) 差唔多 ,   佢地都係想自己集中o係現在 ;   而 E 個方法亦都可以令你集中o係現在 ,   只係仲多左 1 份滿足感。

 

P.S.   其實真係好難用語言去解釋果種時間變慢既感覺 ,   最簡單既方法係你去親身試 1 次 ,   當你感覺到既時候 ,   你就會好似我咁 ,   好感激自己可以感受到 e 種咁滿足既感覺、而且仲會好感激你每日既時間都變得長左。每日花 d 時間去感受下你屋企隻貓既生活 ,   你就會明白  “你既時間”  其實係有好多的了。

 

Sharing is caring!

Leave a Reply

Your email address will not be published. Required fields are marked *