如何吸引更多時間 (1)

Posted by

Sharing is caring!

時間過得太快 ?


每人每日都有 24 小時 ,   但你會唔會覺得 ,   好似只係過 1 陣 ,   果日就已經結束 ?

幾年前 ,   當每晚到 7 – 8 點時 ,   我都會覺得 :   頂..   點解時間過得咁快既..   我仲有好多野想做未做丫..  “   之後就會感嘆時間過得好快..   相信好多人都會有 E 種感覺。

2 星期前 ,   我睇左篇文章 ,   係教人 “點樣透過放慢腳步 ,   去感受人生、同完成更多既事” 。佢教左 2 個技巧 ,   之後果幾日我都有 keep 住練習  (但與其說係 “keep 住練習” ,   我諗用 “keep 住去開始感受人生” 會比較貼切)。

唔到 1 個星期 ,   我真係開始感受到人地講既 :   世界係美好的既感覺。而且仲完全冇晒之前果種 :   覺得時間好快過既感覺 ,  反而仲覺得每日既時間多左

 

你應該已經開始懷疑 :  

係咪咁神奇丫..   你 1 日咪又係得 24 個鐘..   你俾人洗左腦變左痴線佬丫.. ?

我明..   因為你由細到大都係被灌輸 E 個概念 :   快 !   就係唯一令你獲得更多時間既方法。

而家我講緊完全相反既野 ,   當然好難令你接受。但你諗下 :

  • 你既步伐就 1 年比 1 年快 ,   咁點解你會覺得你既生活 ,   會 1 年比 1 年趕 ?
  • 唔係愈快就愈多時間淨嫁咩 ?
  • 點解你愈快就愈少時間既 ?

 

點樣吸引更多時間 ?


雖然果篇文章唔係想講吸引時間 ,   但好神奇地 ,   經常 5 日既練習 ,   我覺得時間多左好多。之後我發現 ,   原來我知道點樣可以令時間變得更慢  (或者叫變得更多 ,   睇你從邊個角度睇)。

 

想吸引時間 ,   有 2 個秘密。2 個好簡單 ,   但冇咩人做緊既 “秘密”。

秘密 1  –  唔好因為想爭取時間而心急  (用英文可能易明 d  –  Don’t Rush ! )

如果你成日都覺得唔夠時間用、覺得做任何野都需要好趕的話 ;   咁好明顯 ,   你只會吸引更多唔夠時間用、而且做任何野都需要愈黎愈趕。(完全解釋晒點解你每年都加快腳步 ,   但時間就愈黎愈少)

秘密 2  –  Be Present  (活於現在 ?   活在當下 ?   唔知點翻譯好..)

Be Present 既意思係 :   盡可能地活在 “你所能夠擁有既 E 一秒鐘”。當你集中在懷念以前、或者顧慮未來既時候 ,   你就已經唔係 present 了 ,   因為你個心唔係集中o係 “現在 E 一秒鐘”。

只要做到以上 2 樣野 ,   你既時間就會好神奇地增加、或者減慢 ,   絕對係 1 樣你會好想得到既野黎。

 

咁點樣做到以上既秘密 ?  

好簡單 ,   就係學習果篇文章所講既 2 個技巧。而且仲簡單到會令你好想打我 ,   因為你會覺得學完對於冇學 🙂

技巧 1  –  提醒自己要減慢步伐

想自己唔好咁心急 ?   要做既就係叫自己唔好咁心急..

雖然好癈..   但絕對唔易做到 ,   而且佢帶黎既正面影響仲好大。當你覺得自己做野好快 ,   好急既時間 ,   提醒自己要冷靜、要減慢速度。既然愈急 ,   時間就過得愈快 ,   咁你就有充分既理由需要減慢了。

技巧 2  –  提醒自己要活於現在

當你擔心未來既日子時  (不論係擔心金錢、愛情、健康都好) ,   你都係活在未來。所以你要即時提醒自己 :   要活於現在 ,   努力去用現在既時間集中去做現在既事。

Believe it or not ,   如果你願意去感受現在所擁有既時間 ,   而唔係用黎擔心未來 ,   你就會擁有更多時間俾你去感受。

 

個人經歷 :   這 2 個技巧如何為我吸引更多時間 ?


有日夜晚 ,   我出去家附近買外賣 (步行) ,   正常步速大概要行 30 分鐘左右來回。

平時既我都會行得有咁快得咁快。因為 第 1 :   夜晚冇人 ;   第 2 :   我想快 d 買完反家 ,   食完就有空檔時間做我想做既野。

(Side Note :   點解我地咁想有更多空檔時間去做想做既野 ?   因為我地平時既生活都唔開心、都唔滿足 ,   所以我地覺得 ,   做想做既野時 ,   就係唯一令我地感到快樂既時候。)

但今次相反 ,   我用好似食飽飯要拖住女朋友o係海邊散步咁既速度行。而且身邊冇人、夜境好靚、又有好多花草樹木 ,   所以沿途我都不斷欣賞周圍既環境  (我強調欣賞係因為我唔係就咁望下周圍就算  –  係欣賞)。

DSC_0519身邊所有野都好平靜 ,   不時會有幾架車經過。你可能會覺得好孤獨 ,   但我完全地好中意、同好享受果 4 – 50 分鐘既散步。

時間比我預期少左 2 – 30 分鐘 ,  平時既我 (或者你) ,   實講晒粗口話 :   diu..   又冇晒 d 時間..  但今次 ,   我懷著 1 個滿足既心情去慢慢食個外賣。

我係少左 30 分鐘去做 “會令我覺得快樂既事”。但有咩所謂 ?   我 1 路都已經處於個滿足既心情啦。

而且我想計一計條數。如果果日我用正常速度買外賣、食野 ,   我應該會有 2 個鐘左右俾我做開心既野。今次我少左 30 分鐘 ,   正常邏輯都會覺得我少左 30 分鐘既快樂。

但唔係 ,   我既開心係由出去買外賣開始。即係反而多左差唔多 60 分鐘..   而且我仲覺得果晚既時間好似好多咁 ,   我諗係因為我唔需要急住去做我想做既野。

 

我想問你 2 個問題 :

  1. 你平時好心急想完成晒所有工作 ,   到底係想好快咁完成晒所有工作丫 ?   定係想快 d 完成工作後可以開始放鬆、享受私人時間 ?
  2. 你覺得時間好少 ,   係好少時間俾你工作丫 ?   定係好少時間俾你去做開心既野、去追尋快樂 ?

2 個我都係後姐 ,   都係為左有更多開心既時間。

所以 ,   你覺得唔夠時間 ,   係因為你既人生開心既時間唔夠多。你試諗下 :

你每晚放工反家都覺得已經好夜 ,   冇咩時間淨 ,   冇時間去放鬆、去做開心既野了 ,   所以你會話 :   “唉..  今日又得反 1 個鐘時間..” 。但你從來唔會o係朝早既時候講 :   “YEAH !   我今日仲有 12 個鐘 (去做野) ! ”  

點解唔會 ?   因為你工作既時候唔開心 ,   所以你唔會覺得唔開心既時間係你既時間。但唔開心既時間 ,   的確係你既時間。

當我地去做開心既野時 ,   我地會覺得果 d 係時間 ;   但當我地準備做唔開心既野時 ,   我地會覺得 “冇左 d 時間去做開心既野”。所以你愈做得多唔開心野、或者愈唔開心 ,   就會愈覺得時間少。

咁如果你可以每分鐘都過得好滿足 ,   咁你仲會唔會覺得時間好少 ?   當然唔會 ,   你仲會好開心點解時間愈黎愈多添。因為你既 “時間” 由每日 1 個鐘到每日 24 個鐘 ,   你仲邊會覺得時間少 ?

 

減慢步伐 + 活於現在 = 更多時間 ?


點解 E 條 formula 用在我身上會係正確的 ?

因為我發現 ,   如果我  “be present”  的話 ,   我果段時間就唔會因為擔心未來而心煩 ,   因為我會 focus o係現在 ;   如果我  “減慢步伐”  的話 ,   我就會更容易搵到身邊美好既事物  (所以點解有好多人都會講 ,   放鬆 d 就能感受到世界有幾靚、有幾美好。因為 ,   其實你係好容易俾身邊既野滿足到的 ,   只不過係你既步伐太快 ,   所以留意唔到)

從我岩岩既經歷黎講 ,   因為我 be present ,   所以我個心好平靜 ,   冇擔心任何未來既事 ;   同時間 ,   因為我減慢步伐 ,   所以我可以好用心地欣賞身邊既野 ,   即使只係花草樹木、天上既星星 ,   就已經令我滿足了 ;   滿足 ,   就代表開心既時間增加 ,   亦代表我 “擁有” 更多時間了。

所以你要做既係 :   放鬆 d 啦 ,   唔好咁趕啦好唔好 ?   去搵下身邊可以令你滿足既事物 ,   睇下 花草榭木、望下月亮、散下步咁。

1 開始只係需要感受下十幾秒既平靜、滿足就足夠了。如果可以每日平靜心靈幾次 ,   好快 ,   你就會愛上 E 種感覺 ,   而且會發現你擁有既時間增加了。

 

(最後 :  其實唔係時間過得好快。只係你覺得時間過得好快 ,   你要追趕時間 ,   所以時間過得好快。如果你識得放慢 ,   “真正” 明白自己其實每日都有 24 小時咁多既話 ,   時間自然會由 3 小時 ,   變回 24 小時。)

 

只要有任何 1 個 Point 你係同意的話 ,  就已經有足夠既理由禁 Share 喇 🙂

 

Sharing is caring!

Leave a Reply

Your email address will not be published. Required fields are marked *