你已經赢在起跑線

Posted by

Sharing is caring!

(唉..  我發現我冇辦法用書面語打 Blog..  中文差冇計..)

我中意書 ,   眾所周知。小時候 ,   我已經中意o係書店行 ,   見到邊本書靚就會拎上手睇下。

睇書 ,   我中意每隻字都慢慢咁睇 ,   我唔中意速讀的 ,   我中意清清楚楚地明白每句話既意思 ,   所以我睇書好慢的  (e 本書我都用左超過一個月既時間去睇) 。

其實我一開始會買 e 本書係因為覺得佢幾可愛 (雖然而家好膠面) (我係外貌協會),   但睇睇下我又真係覺得幾好睇。

 

早幾日終於睇完了 ,   有點感動、有點惋惜、有點激勵、有點 “心up” …


我好欣賞佢由唔係好識字 ,   到自己學識中文同英文、中學畢業、考入大學 ;   我好中意佢可以好勤力、好專注去做事果個態度。如果我可以有佢既專注力 ,   我應該都會有一番成就..

而且我好欣賞佢短時間內睇左好多書 ,   一年 100 本 ,   勁 !

其實我都覺得 ,   睇得書多係有益處的 ,   但我講唔出確實係好處在哪 ,   所以令我一直都冇耐性去睇。但既然佢唔係好識字都可以睇到咁多書 ,   我決定我都要 set 一個大既目標俾自己 ,   我要在 2018 年內睇夠 10 · 本 · 書 !!

WOW..   很遠大既目標丫 !   

其實 10 本書真係唔多 ,   但有幾多人可以一年內睇到 10 本書 ?  (唔計寫真、漫畫 ok.. ?)   所以我一連買左差唔多 20 本書 ,   將會係我今年既挑戰。

唔知點解我而家既求學慾望好大 ,   如果你都中意睇書 ,   可以話我知有咩書好睇 ,   介紹俾我  🙂

 

你已經赢在起跑線


最後 ,   如果一個人出生於這樣惡劣既環境低下 ,   都可以爭取到佢地想要既生活的話 ,   咁你地每一個人都一定可以 ,   就在乎你是否願意去無視你 “以為” 你擁有既 “缺點” 、同是否願意拿出一點點既時間同氣力。

我想講 ,   實在太多太多人 (包括我) 都以為自己有咩唔好、有咩缺點、或者有咩不足 ,   導致極少數既人願意 (或者叫做有咁既膽量) 去追求自己想要既野。

同研美對比 ,   我肯定已經赢在起跑線了 ,   所以我感恩。 你都係 ,   要赢在起跑線 ,   其實唔等於父母要有 20 億。係在乎你同誰比較。

既然同某人相比 ,   你都已經赢在起跑線 ,   咁唔好再頹、唔好再怨了 ,   好好想一想你到底想要 D 乜野 ,   然後追求 !

如果你要同馬雲比 ,   你輸最多既唔係金錢 ,   而係輸心態  ;  但馬雲本人呢 ?   他赢就赢在佢唔太理會起跑線既概念。

 

Sharing is caring!

Leave a Reply

Your email address will not be published. Required fields are marked *